मनोबल सर्वात मोठे बळ,
ठरवले मनाने तर सर्वकाही शक्य,
क्षणात इथे क्षणात तिथे

मनास न कोणती सीमा,
मनास न कोणी अडवू शके,
मन जणू परम तत्वाचा भाग

मन जणू सूक्ष्म शरीर,
हवे तिथे जाऊ शके,
हवे ते करू शके

मनात येई विचार,
अन मग घडे कृती,
हा साधा सरळ धोपट मार्ग

मनाने ठरवले तर तो जणू ईश्वर,
नाना सिद्धी त्याजवळ,
फक्त कोणी न त्याकडे हवे तितकेसे लक्ष देत

त्यामुळे श्रम अधिक,
यश भेटे काहीसे,
त्याच्या विरुद्ध कार्य मग त्रास अधिक